खानापूर तालुक्यातील भूरणकी ग्रामपंचायत हद्दीतील रामापूर गावात नवरात्रीनिमित्त ग्रामस्थांच्या वतीने आयोजित करण्यात आलेल्या कबड्डी स्पर्धेचे उद्घाटन आमदार चन्नराज हट्टीहोळी यांच्या हस्ते रविवारी पार पडले.

या वेळी बोलताना आमदार चन्नराज हट्टीहोळी म्हणाले, विटी-दांडू, लगोरी, खो-खो, कुस्ती आणि कबड्डी यांसारखे पारंपरिक खेळ आजच्या आधुनिक युगात नामशेष होण्याच्या मार्गावर आहेत. त्यामुळे ग्रामीण भागातील तरुणांनी अशा पारंपरिक खेळांमध्ये उत्साहाने भाग घेतला पाहिजे.

या कार्यक्रमाच्या अध्यक्षस्थानी भाग्यलक्ष्मी साखर कारखान्याचे माजी अध्यक्ष रियाज अहमद पटेल होते, तर सुरपूर केरवाड अडविसिद्धेश्वर मठाचे अडविसिद्धेश्वर स्वामीजी यांचे दिव्य सान्निध्य लाभले.

या प्रसंगी इमामसाब कित्तूर, आरिफ पाटील, फिरोज देवडी, नासीर हुसेन पटेल, गौसलाल पटेल, महेश पाटील, एम. एम. सावकार, अदृश्य हंचिनमनी, दयानंद गुपित, किशोर मिठारी यांच्यासह इतर प्रमुख मान्यवर उपस्थित होते.