कमी पावसामुळे निर्माण झालेले संकट टळावे आणि चांगला पाऊस व्हावा, या प्रार्थनेसाठी शेडबाळ स्टेशन गावात श्री मेघराज देवाची यात्रा श्रद्धेने साजरी करण्यात आली.

कागवाड तालुक्यातील शेडबाळ स्टेशन गावात सोमवारी यात्रेनिमित्त ढोल-ताशांच्या गजरात सुवासिनींच्या सहभागातून कलश मिरवणूक काढण्यात आली. त्यानंतर विविध धार्मिक विधी पार पाडले.

यंदाच्या पावसाळ्यात अत्यल्प पाऊस झाल्याने आणि पावसाने हुलकावणी दिल्याने शेतकरी अडचणीत आले आहेत. या पार्श्वभूमीवर हिवाळी हंगामात चांगला पाऊस व्हावा आणि पिके उत्तम यावीत, यासाठी शेतकरी आणि भाविकांनी एकत्र येत श्री मेघराज देवाकडे प्रार्थना केली.

यात्रेनिमित्त हजारो भाविकांना महाप्रसादाचे वाटप करण्यात आले. बन्नूरे कुटुंबाच्या वतीने या यात्रेचे आयोजन करण्यात आले होते. या धार्मिक उपक्रमात ग्रामस्थ, शालेय विद्यार्थी आणि भाविक मोठ्या संख्येने सहभागी झाले होते.