स्वातंत्र्यदिन पार पडल्यानंतर अवघ्या काही दिवसांतच राष्ट्रध्वज कचऱ्याच्या डब्यात फेकल्याचा प्रकार विजापूर येथे उघडकीस आला असून, या घटनेचा व्हिडिओ सोशल मीडियावर व्हायरल झाल्याने नागरिकांमधून तीव्र संताप व्यक्त केला जात आहे.

शहरातील सोलापूर रस्त्यावरील पाटील प्लॅनेट येथील स्मार्ट बाजार परिसरात कचऱ्याच्या डब्यात राष्ट्रध्वज टाकण्यात आल्याचा आरोप आहे. देशप्रेमाचे आणि स्वाभिमानाचे प्रतीक असलेल्या त्रिरंगाचा अशा प्रकारे अवमान केल्याने लोकांमध्ये मोठा रोष निर्माण झाला आहे.

या घटनेची सखोल चौकशी करून राष्ट्रध्वजाचा अवमान करणाऱ्या दोषींवर तात्काळ कडक कायदेशीर कारवाई करावी, अशी मागणी नागरिकांकडून केली जात आहे.