मानसिक नैराश्यामुळे एका व्यक्तीने विहिरीत उडी घेऊन आत्महत्या केल्याची घटना धारवाड तालुक्यातील माराडगी गावात आज उघडकीस आली आहे.

मृताची ओळख द्यामण्णा हंपण्णणावर अशी पटली आहे. काल सायंकाळी अथवा रात्रीच्या सुमारास ही घटना घडल्याचा संशय व्यक्त केला जात आहे.

आज सकाळी ग्रामस्थांना विहिरीत मृतदेह आढळून आल्यानंतर तातडीने अग्निशामक दलाच्या जवानांना पाचारण करण्यात आले. जवानांनी मृतदेह विहिरीबाहेर काढून पुढील कारवाईसाठी जिल्हा रुग्णालयात रवाना केला आहे. मृत व्यक्तीने कोणत्या कारणामुळे हे टोकाचे पाऊल उचलले, याविषयी पोलीस माहिती गोळा करत आहेत. धारवाड ग्रामीण पोलीस ठाण्यात याप्रकरणी गुन्ह्याची नोंद झाली असून पुढील कायदेशीर कारवाई सुरू आहे.