विधानपरिषद सभापती पदाचा बसवराज होरट्टी यांनी राजीनामा दिला असून तो मंजूर करण्यात आला आहे. नवीन व्यवस्था होईपर्यंत त्यांनाच या पदावर कायम ठेवावे, अशी शिफारस राज्यपालांकडे करण्यात आली आहे, अशी माहिती मुख्यमंत्री डी. के. शिवकुमार यांनी दिली.

विधानसौध येथे प्रसारमाध्यमांशी संवाद साधताना त्यांनी सांगितले की, सध्याच्या राजनैतिक घडामोडी लक्षात घेऊन बसवराज होरट्टी यांनी स्वेच्छेने राजीनामा दिला असून, देशाच्या विधानपरिषदेच्या इतिहासात ते अत्यंत ज्येष्ठ नेते आहेत. त्यांनी दाखवलेले मोठेपण कौतुकास्पद आहे. चौदा ऑगस्ट रोजी नवीन उपसभापतींची निवड होणार असून, त्यानंतर सभापतींची निवडणूक प्रक्रिया पार पडेल.

तसेच, बंडखोरी किंवा अविश्वासाच्या ठरावाबाबत विचारले असता, आता तो विषय मागे पडल्याचे सांगण्यात आले. मंत्रिमंडळ विस्तार, खातेवाटप आणि इतर राजकीय घडामोडींवर बोलताना, योग्य वेळी योग्य निर्णय घेतले जातील असे स्पष्ट करण्यात आले.