बळ्ळारी जिल्ह्यात पावसाअभावी दुष्काळाची तीव्रता वाढली असून कर्ज काढून घेतलेले कापूस पीक सुकून जात आहे. संकटात सापडलेल्या शेतकऱ्यांनी तातडीच्या मदतीची मागणी केली आहे.
बळ्ळारी तालुक्यातील संगनकल्लू गावातील रेवण्णा या शेतकऱ्याच्या साडेसहा एकर क्षेत्रातील कापूस पीक पावसाअभावी वाळून गेले आहे. गेल्या दोन महिन्यांपासून पाऊस नसल्याने आणि बोअरवेलचे पाणी आटल्याने पिकाचे नुकसान झाले आहे.
कापूस लागवडीसाठी रेवण्णा यांनी प्रति एकर सुमारे ५५ हजार रुपये खर्च केला असून एकूण चार लाख रुपयांपर्यंत कर्ज घेतले होते. मात्र पाण्याअभावी कापसाची झाडे सुकल्याने मोठे नुकसान झाले आहे.
डोळ्यांसमोर पीक वाया जात असल्याने रेवण्णा आर्थिक अडचणीत सापडले आहेत. कर्जाची परतफेड कशी करायची, अशी चिंता व्यक्त करत त्यांनी प्रशासनाने तातडीने पाहणी करून योग्य मदत द्यावी, अशी मागणी केली आहे.
Recent Comments