बेळगाव येथील सदाशिव नगरमधील गौरी महिला मंडळाच्या सदस्यांनी ‘नंदन मुक्काळ धाम’ या संस्थेला भेट देऊन सामाजिक बांधीलकी जपली आहे. तेथे आश्रयाला असलेल्या मुलांना दैनंदिन उपयोगी साहित्य आणि खाऊचे वाटप करून महिलांनी आपले प्रेम व्यक्त केले.

सदाशिव नगरच्या गौरी महिला मंडळाच्या वतीने २२ जुलै रोजी बेळगावातील ‘नंदन मुक्काळ धाम’ येथे या विशेष सेवा उपक्रमाचे आयोजन करण्यात आले होते. संस्थेत राहून शिक्षण घेणाऱ्या मुला-मुलींना मंडळाच्या वतीने अल्पोपहार, बिस्किटे, साबण, टॉवेल आणि रोजच्या गरजेचे इतर साहित्य देण्यात आले. समाजात मदतीची गरज असलेल्या मुलांना आधार देणे आणि त्यांच्या चेहऱ्यावर आनंद निर्माण करणे हाच या सामाजिक उपक्रमाचा मुख्य उद्देश असल्याचे पदाधिकाऱ्यांनी सांगितले.

या प्रसंगी गौरी महिला मंडळाच्या गौरवाध्यक्षा जयश्री कराडकर, उपाध्यक्षा शशिकला जगजंपी, सचिव सुजाता गोकाक, पदाधिकारी अनसूया हळेमनी, विनोदा होंगल यांच्यासह मंडळाच्या सर्व सदस्या उपस्थित होत्या.