हृदयविकाराच्या झटक्याने मृत्यू झाल्याचा दावा करण्यात आलेल्या एका व्यक्तीच्या मृत्यूमागे हत्येचा कट असल्याचा संशय आता समोर आला आहे. दोन महिन्यांनंतर पोलिसांच्या तपासात मोबाईल चॅटिंगच्या आधारे या प्रकरणाचा खुलासा झाला आहे.

विजापूर जिल्ह्यातील इंडी शहरातील रहिवासी अरुण बडिगेर यांचा ५ मे रोजी मृत्यू झाला होता. त्यावेळी त्यांच्या पत्नीने त्यांचा मृत्यू हृदयविकाराच्या झटक्याने झाल्याचे सांगितले होते. मात्र, फेरतपासादरम्यान संशय बळावल्याने या प्रकरणाला वेगळे वळण मिळाले आहे.

तपासानुसार, संशयित आरोपींनी आधी अरुण यांना गुंगीचे औषध दिले आणि त्यानंतर त्यांचा श्वास गुदमरून खून केल्याचा आरोप आहे. यानंतर हा नैसर्गिक मृत्यू असल्याचे भासवण्याचा प्रयत्न करण्यात आला.

प्रकरण उघडकीस आल्यानंतर इंडी पोलिसांनी संशयित आरोपीला ताब्यात घेऊन चौकशी सुरू केली आहे. तांत्रिक पुरावे आणि मोबाईल चॅटिंगच्या आधारे पोलीस पुढील कारवाई करत आहेत.

दोन महिन्यांपासून नैसर्गिक मृत्यू समजल्या जाणाऱ्या या घटनेचा आता हत्येच्या कोनातून तपास सुरू असून इंडी पोलीस अधिक चौकशी करत आहेत.

विजयकुमार सारवाड, इन न्यूज, विजापूर