मदनकुमार फाउंडेशनच्या वतीने बेळगावातील आंजनेय नगर येथील सरकारी शाळेतील विद्यार्थ्यांना अभ्यासाच्या पुस्तकांचे वाटप करण्यात आले. या वेळी भाजप नेते शंकरगौडा पाटील यांनी फाउंडेशनच्या सामाजिक कार्याचे कौतुक केले.

पुस्तके वाटपानंतर बोलताना शंकरगौडा पाटील म्हणाले की, समाजसेवा ही दाखवण्यासाठी करायची नसते. मदनकुमार हे स्वतःच्या कष्टाच्या पैशातून करत असलेले समाजकार्य कौतुकास्पद आहे. सरकारने ही शाळा मदनकुमार फाउंडेशनला दत्तक दिल्यास शाळेचा अधिक विकास होईल. शिक्षकांनी राजकारण न करता मुलांना दर्जेदार शिक्षण द्यावे, असे आवाहन त्यांनी केले.

फाउंडेशनचे मदनकुमार भैरप्पनवर यांनी विद्यार्थ्यांना मार्गदर्शन करताना सांगितले की, गरिबीत जन्माला येणे हा गुन्हा नाही. कष्टाने शिक्षण घेऊन देशाचे नाव मोठे करावे. पालकांनी आपल्या अडचणी मुलांवर न लादता त्यांना चांगल्या शिक्षणासाठी प्रोत्साहन द्यावे, जेणेकरून ते भविष्यात अधिकारी बनून देशाची सेवा करू शकतील.

या प्रसंगी भाग्यश्री भैरप्पनवर, स्फूर्ती भैरप्पनवर, वाय. जी. कुंदरगी, सुनील देशपांडे, प्रवीण भैरप्पनवर, सुहास पाटील यांच्यासह इतर मान्यवर उपस्थित होते.