मुख्यमंत्री डी. के. शिवकुमार यांचे वास्तव्य असलेल्या बेळगाव येथील शासकीय विश्रामगृह परिसरात भटक्या कुत्र्यांचा सुळसुळाट झाल्याने सुरक्षेतील अधिकाऱ्यांची मोठी धावपळ उडाली. अखेर डॉग कॅचर्सच्या मदतीने या कुत्र्यांना पकडून इतरत्र हलवण्यात आले आहे.

मुख्यमंत्री विश्रामगृहात थांबलेले असतानाच अचानक आवारात कुत्र्यांचा वावर वाढला होता. यामुळे अतिमहत्त्वाच्या व्यक्ती आणि शासकीय अधिकाऱ्यांच्या येण्या-जाण्यास अडथळा निर्माण झाला होता. ही परिस्थिती हाताळण्यासाठी तातडीने दोन तज्ज्ञ डॉग कॅचर्सना पाचारण करण्यात आले.

डॉग कॅचर्सनी तातडीने मोहीम राबवून परिसरात अडथळा ठरणारी कुत्री जाळे टाकून पकडली. या भटक्या कुत्र्यांना सुरक्षितपणे दुसऱ्या ठिकाणी हलवण्यात आले असून, या मोहिमेनंतर सुरक्षा कर्मचारी आणि जिल्हा प्रशासनाने सुटकेचा श्वास सोडला.