विजापूर जिल्ह्यातील बसवन बागेवाडी तालुक्यातील उक्कली गावात विशेष संक्षिप्त पुनरिक्षण प्रक्रियेत कर्मचाऱ्यांचा मोठा हलगर्जीपणा समोर आला आहे. कर्मचाऱ्यांनी घरोघरी जाऊन मतदार यादीची पडताळणी करणे अपेक्षित असताना ते एकाच ठिकाणी बसून काम करत आहेत.

बीएलओ घरोघरी न जाता लोकांना सरकारी शाळेत बोलावून तेथेच फॉर्म देत असल्याची तक्रार स्थानिक नागरिकांनी केली आहे. नियमांचे पालन न करता चाललेल्या या कामामुळे संतप्त झालेल्या ग्रामस्थांनी शाळेत जाऊन कर्मचाऱ्यांना जाब विचारला आणि ही प्रक्रिया पारदर्शक पद्धतीने राबवण्याची मागणी केली. या प्रकरणी निवडणूक अधिकारी काय कारवाई करणार याकडे सर्वांचे लक्ष लागले आहे.