बेळगावमधील ज्येष्ठ पत्रकार आणि लेखक गोपाळ खटावकर यांना प्रतिष्ठित ‘मूल्य पत्रकारिता पुरस्कार’ देऊन गौरवण्यात आले आहे. पत्रकारिता क्षेत्रातील त्यांच्या तीन दशकांच्या प्रदीर्घ योगदानाबद्दल हा सन्मान करण्यात आला.

रामदुर्गमधील ‘मूल्य संपदा’ साप्ताहिकाच्या २१ व्या वर्धापनदिनानिमित्त शिरसंगीमध्ये एका विशेष सोहळ्याचे आयोजन करण्यात आले होते. या कार्यक्रमात गोपाळ खटावकर यांना शाल परिधान करून हा पुरस्कार प्रदान करण्यात आला. खटावकर यांना यापूर्वी ‘ग.गो. राज्यस्तरीय पुरस्कार’ आणि ‘समाजसेवा रत्न’ यांसारखे अनेक पुरस्कार मिळाले आहेत. तसेच त्यांनी लिहिलेली ‘समाज स्पंदन’, ‘जनस्पंदन’, ‘परिवर्तन’ आणि ‘दिक्कूची’ ही वैचारिक पुस्तके शाळा-कॉलेजच्या ग्रंथालयांसाठी निवडली गेली आहेत.

या सोहळ्याला चिकुंबीचे श्री अजात नागलिंग महास्वामी, मुळ्ळूर हिरेमठाचे श्री चंद्रशेखर शिवाचार्य महास्वामी, साप्ताहिकाचे संपादक सोमशेखर सोगलद आणि प्रमुख कन्नड चळवळीतील कार्यकर्ते व मान्यवर उपस्थित होते.