चिक्कोडी तालुक्यातील जोडट्टी येथील रेवणसिद्धेश्वर विविध उद्देशांच्या सहकारी संस्थेचे सदस्य असलेले शेतकरी बीरप्पा नागराळे यांचे अकाली निधन झाल्यामुळे त्यांच्या कुटुंबाला संस्थेच्या वतीने ५० हजार रुपयांचा मदतनिधी देण्यात आला आहे.

संस्थेचे अध्यक्ष बसवराज महादेव मंतुरे आणि शंकर नेर्ली यांच्या हस्ते या मदतनिधीचा धनादेश कुटुंबाकडे सुपूर्द करण्यात आला.

यानंतर प्रसारमाध्यमांशी बोलताना संस्थेचे संस्थापक महादेव मंतुरे आणि शंकर नेर्ली यांनी सांगितले की, मृत शेतकरी बीरप्पा नागराळे यांनी संस्थेच्या नागरमुन्नोळी शाखेतून १ लाख रुपयांचे कर्ज घेतले होते. मात्र, त्यांचे अकाली आणि दुर्दैवी निधन झाले. या कठीण प्रसंगात त्यांच्या कुटुंबाला आर्थिक हातभार लागावा या भावनेतून संस्थेच्या वतीने ५० हजार रुपयांची मदत देण्यात येत आहे, असे त्यांनी स्पष्ट केले.

या प्रसंगी संस्थेचे उपाध्यक्ष जक्काप्पा अंदानी, लक्ष्मण काळण्णावर, पवाडी बेळकुडे, ब्रह्मानंद हिरेकुरबर, गुरुपाद पुजारी, व्यवस्थापक माळप्पा नागराळे, वीरप्पा दानण्णावर यांच्यासह नागराळे कुटुंबातील सदस्य आणि सहकारी संस्थेचे सर्व संचालक उपस्थित होते.