श्रीरामनवमीच्या शुभ मुहूर्तावर विजापूर भाजप युवा मोर्चाच्या वतीने शहरातील प्रसिद्ध मधला मारुती मंदिरात विशेष पूजा अर्चा करण्यात आली.

आगामी पोटनिवडणुकांमध्ये भाजपचा विजय व्हावा आणि दहावीच्या परीक्षेत विद्यार्थ्यांनी यश संपादन करावे, या उद्देशाने हे साकडे घालण्यात आले. भाजप युवा मोर्चाचे अध्यक्ष आनंद मुचंडी यांच्या नेतृत्वाखाली ही पूजा संपन्न झाली. यावेळी दावणगेरे आणि बागलकोट येथे होणाऱ्या पोटनिवडणुकीत भाजप उमेदवारांचा दणदणीत विजय व्हावा, अशी प्रार्थना करण्यात आली. तसेच सध्या दहावीची परीक्षा देणाऱ्या विद्यार्थ्यांनी उत्तम गुणांनी उत्तीर्ण होऊन यश मिळवावे, यासाठीही देवाकडे आशीर्वाद मागण्यात आले.

याप्रसंगी प्रफुल्ल पवार, मंथन गायकवाड, विवेक तावरगेरी, रायप्पा हळ्ळी, गुरुराज जोशी, शिवराज मडीवाळ, विनोद पत्तार, संतोष पत्तार, मनोज ताळीकोटी, बसवराज दिंडवार, हरीश जोशी यांच्यासह भाजप युवा मोर्चाचे पदाधिकारी आणि कार्यकर्ते मोठ्या संख्येने उपस्थित होते.