बेळगाव जिल्ह्यातील कडोली येथे स्वाभिमानी शेतकरी युवा संघटनेच्या वतीने भव्य जोडेत शर्यतीचे आयोजन करण्यात आले होते. या कार्यक्रमाला सार्वजनिक बांधकाम मंत्री तथा पालकमंत्री सतीश जारकीहोळी यांनी हेलिकॉप्टरने उपस्थिती लावत शेतकऱ्यांचा उत्साह वाढवला.

कडोलीतील या मातीतील खेळाचा मंत्र्यांनी प्रत्यक्ष आनंद घेतला. आपल्या मातीची संस्कृती आणि पारंपारिक खेळ टिकवून ठेवण्याची मोठी गरज आहे, असे सतीश जारकीहोळी यांनी यावेळी नमूद केले. ग्रामीण भागातील अशा उपक्रमांतून तरुण पिढीला प्रेरणा मिळेल, अशा शब्दांत त्यांनी शेतकऱ्यांच्या कष्टाचे कौतुक केले.

या सोहळ्याला मंत्र्यांचे स्वीय सहाय्यक मलगौडा पाटील, जिल्हा काँग्रेस सचिव प्रदीप एम. जे. आणि जिल्हा पंचायत उपाध्यक्ष अरुण कटांबळे उपस्थित होते. ग्रामपंचायतीचे पदाधिकारी आणि ग्रामस्थांच्या मेहनतीमुळे हा कार्यक्रम यशस्वी झाला असून, पालकमंत्र्यांच्या उपस्थितीमुळे परिसरात आनंदाचे वातावरण आहे.