​विजापूर शहरात हडपद समाज बांधवांनी कामगार मंत्री संतोष लाड यांच्या विरोधात तीव्र निदर्शने केली. मंत्र्यांनी समाजाबद्दल अनुद्गार काढल्याचा आरोप करत त्यांना पदावरून हटवण्याची मागणी करण्यात आली आहे.

​विजापूर शहरात हडपद समाजाच्या वतीने कामगार मंत्री संतोष लाड यांच्या विरोधात निषेध आंदोलन करण्यात आले. संतोष लाड यांनी हडपद समाजाबद्दल अत्यंत हलक्या भाषेत वक्तव्य केल्याचा आरोप करत समाज बांधवांनी संताप व्यक्त केला.

जिल्हाधिकाऱ्यांमार्फत मुख्यमंत्र्यांना निवेदन सादर करून लाड यांची मंत्रिमंडळातून हकालपट्टी करण्याची मागणी करण्यात आली आहे. लोकप्रतिनिधी असूनही एका समाजाबद्दल खालच्या पातळीवर बोलणे अशोभनीय असल्याची टीका आंदोलकांनी केली.

​कामगार मंत्री संतोष लाड यांनी तातडीने आपल्या पदाचा राजीनामा द्यावा, अन्यथा संपूर्ण राज्यात तीव्र आंदोलन छेडले जाईल, असा इशारा दयानंद हडपद यांनी दिला आहे. एक लोकप्रतिनिधी म्हणून एखाद्या समाजाबद्दल अशा प्रकारचे हीन वक्तव्य करणे चुकीचे असल्याचे दयानंद हडपद यांनी म्हटले आहे.