बेळगाव उत्तर विधानसभा मतदारसंघात पायाभूत सुविधांची क्रांती सुरू असून आमदार आसिफ सेठ यांच्या विशेष प्रयत्नांमुळे खराब रस्त्यांचे रूप पालटले आहे. दर्जेदार रस्ते कामांमुळे सार्वजनिक क्षेत्रातील दशकांपासूनच्या समस्या सुटल्या असून नागरिकांना मोठा दिलासा मिळाला आहे.

बेळगाव उत्तर मतदारसंघाच्या सर्वांगीण विकासाचा संकल्प केलेल्या आमदार आसिफ सेठ यांच्या मार्गदर्शनाखाली रस्ते बांधणीची कामे वेगाने सुरू आहेत. याचाच एक भाग म्हणून, लव्ह डेल शाळेजवळील आणि माळमारुती परिसरातील प्रमुख रस्त्यांची कामे यशस्वीरित्या पूर्ण झाली आहेत. यापूर्वी खड्डेमय रस्त्यांमुळे त्रास सहन करावा लागणाऱ्या शालेय विद्यार्थी, पालक आणि वाहनधारकांना आता सुखकर प्रवासाची सुविधा उपलब्ध झाली आहे. दर्जेदार डांबरीकरणामुळे या रस्त्यांचा कायापालट झाला असून सर्व स्तरांतून कौतुक होत आहे.

शाश्वत नागरी विकासावर भर देताना आमदारांनी सार्वजनिक सुरक्षितता आणि सुलभ वाहतुकीला प्राधान्य दिले आहे. रस्त्यांची सुधारलेली स्थिती ही कामाच्या गुणवत्तेची साक्ष देत आहे. केवळ माळमारुतीच नव्हे तर मतदारसंघातील इतर भागांतही अनेक रस्त्यांची कामे प्रगतीपथावर असून प्रत्येक वस्तीला उत्तम संपर्क यंत्रणेने जोडण्याचे उद्दिष्ट आसिफ सेठ यांनी ठेवले आहे.