बेळगावच्या जिल्हा काँग्रेस कार्यालयात सफाई कर्मचारी घटकाच्या नूतन पदाधिकाऱ्यांचा पदग्रहण सोहळा मोठ्या उत्साहात पार पडला.

केपीसीसी सफाई कर्मचारी घटकाचे प्रदेशाध्यक्ष अशोक सालप्पा यांच्या उपस्थितीत नूतन जिल्हाध्यक्षांनी आपल्या पदाची सूत्रे हाती घेतली. यावेळी बेळगाव जिल्हा ग्रामीण सफाई कर्मचारी घटकाच्या अध्यक्षपदी राजू साखे यांची अधिकृत निवड करण्यात आली. समाजातील शेवटच्या स्तरातील व्यक्तींच्या उन्नतीसाठी आणि सफाई कर्मचाऱ्यांच्या हक्कांच्या रक्षणासाठी हे घटक अधिक प्रभावीपणे काम करेल, असा विश्वास नेत्यांनी यावेळी व्यक्त केला.

या कार्यक्रमाला जिल्हा काँग्रेसचे अध्यक्ष विनय नावलगट्टी यांनी उपस्थित राहून नूतन पदाधिकाऱ्यांना मार्गदर्शन केले. तसेच केपीसीसी सफाई कर्मचारी घटकाचे प्रदेश सरचिटणीस ॲड. अदवेप्पा यरझर्वी, पी.एम. अनंतपूर, भंडारी मुनिस्वामी, विजय निरगट्टी आणि षण्मुख आदिआंध्र यांची प्रमुख उपस्थिती होती.

याप्रसंगी महानगरपालिका सदस्य खुर्शीद मुल्ला यांच्यासह सफाई कर्मचारी संघाचे अनेक नेते आणि कार्यकर्ते मोठ्या संख्येने उपस्थित होते. सफाई कर्मचाऱ्यांच्या न्याय्य हक्कांसाठी पक्ष सदैव खंबीरपणे पाठीशी राहील, असा ठराव यावेळी करण्यात आला.