श्री भुवनेश्वरीदेवीच्या १०८ फुटी कांस्य मूर्तीची बेळगाव येथील सुवर्णसौधसमोर प्रतिष्ठापना करण्याची मागणी करत आज सर्वोदय स्वयंसेवक संघाने आंदोलन केले.

याच अधिवेशनात मुख्यमंत्री सिद्धरामय्या यांनी सुवर्णसौधच्या समोर नाडदेवता श्री भुवनेश्वरी यांच्या १०८ फुटी कांस्य मूर्तीची प्रतिष्ठापना करावी. असे न झाल्यास, घरोघरी लोह गोळा करून कन्नड संघटना स्वतःच मूर्तीची प्रतिष्ठापना करतील, यासाठी फक्त जागा उपलब्ध करून द्यावी, अशी मागणी करत सर्वोदय स्वयंसेवक संघ कन्नड समर्थक संघटनेने सुवर्णसौधसमोर आंदोलन केले.

आज सर्वोदय स्वयंसेवक संघ कन्नड समर्थक संघटनेने सुवर्णसौधसमोर आंदोलन केले.

२०२३ मध्ये सर्वोदय स्वयंसेवक संघ कन्नड समर्थक संघटनेने सुवर्णसौधसमोर बंगळुरू विधानसौधच्या धर्तीवर नाडदेवता भुवनेश्वरी यांची १०८ फुटी कांस्य मूर्ती उभारण्याची मागणी करत अनेकवेळा आंदोलने केली आहेत. सरकारने याच अधिवेशनात भूमीपूजन करावे. सरकार गॅरंटी योजनांवर हजारो कोटी खर्च करत आहे. त्यामुळे आई भुवनेश्वरीच्या मूर्तीचा भार सरकारवर पडू नये, यासाठी आम्ही कर्नाटकमधील प्रत्येक घराला भेट देऊन लोह गोळा करण्याचे अभियान सुरू करत आहोत. १०० कोटी रुपये जमा करू. सरकारने मूर्ती उभारण्याची गरज नाही. आम्हाला फक्त जागा उपलब्ध करून द्यावी, कन्नड संघटना स्वतःच मूर्तीची स्थापना करतील, असे मत श्रीनिवास ताळूकर यांनी व्यक्त केले.

यावेळी सर्वोदय स्वयंसेवक संघ कन्नड समर्थक संघटनेचे पदाधिकारी उपस्थित होते.