बेळगावमधील रामतीर्थ नगर येथील केएससीए क्रिकेट मैदानात आज राज्यभरातील पत्रकारांच्या संघांमध्ये आणि कर्नाटक भाजप संघामध्ये मैत्रीपूर्ण क्रिकेट स्पर्धेचे आयोजन करण्यात आले होते.

यावेळी रामतीर्थ नगर भागाला भेट देण्यासाठी आलेले कर्नाटक भाजपचे प्रदेशाध्यक्ष बी.वाय. विजयेंद्र यांनी एका विशेष सेवाकार्यात सहभाग घेतला. त्यांनी मैदानाच्या परिसरात रोपांना पाणी देऊन पर्यावरणाची काळजी जपण्याचा संदेश दिला. या कार्यक्रमाला भाजपचे जिल्हा उपाध्यक्ष महांतेश वक्कूंद, रामतीर्थ नगरचे प्रमुख अण्णासाहेब देसाई, मुख्तार पठाण, विलास केरूर, सुरेश यादव, ईरय्या खोत, शशी बाडकर, नवीन मेटगुड यांच्यासह अनेक प्रमुख नेते उपस्थित होते.