विजापूर जिल्ह्यातील मुद्देबिहाळ तालुक्यातील शिरोळ गावाजवळ कालव्यात पडलेल्या तीन व्यक्तींपैकी संतोष कोन्नूर (१६) नावाच्या युवकाचा मृतदेह बुधवारी सापडला आहे.

मंगळवारी बासमा कोन्नूर (२१), संतोष कोन्नूर (१६) आणि रवी कोन्नूर (१५) हे एकाच कुटुंबातील तिघे कालव्याच्या पाण्यात बेपत्ता झाले होते. घटनेची माहिती मिळताच अग्निशमन दलाचे कर्मचारी आणि पोलिसांनी घटनास्थळी धाव घेऊन शोधकार्य सुरू केले आणि संतोष कोन्नूरचा मृतदेह शोधून काढला. मुद्देबिहाळ पोलीस ठाण्याच्या हद्दीत ही घटना घडली आहे.