समाजातील प्रत्येक व्यक्तीला न्याय मिळायला हवा, असे प्रतिपादन हुक्केरीचे वरिष्ठ दिवाणी न्यायाधीश राजाण्णा संकण्णवर यांनी केले.

हुक्केरी तालुका विधी सेवा समिती, वकील संघ आणि तालुका प्रशासन यांच्या वतीने आयोजित ‘कायदा सेवा दिन’ कार्यक्रमाचे उद्घाटन वरिष्ठ दिवाणी न्यायाधीश राजाण्णा संकण्णवर यांच्या हस्ते रोपाला पाणी देऊन करण्यात आले.

यावेळी व्यासपीठावर दिवाणी न्यायाधीश आदित्या कलाल, वकील संघाचे अध्यक्ष काडप्पा कुरबेट, उपाध्यक्ष बी. एम. जिनराळे, अपर सरकारी वकील ए. सी. करोशी, तहसीलदार बलराम कट्टीमनी, पी. एस. आय. एच. के. पाटील आणि विठ्ठल गस्ती उपस्थित होते.

न्यायाधीश संकण्णवर यांनी मार्गदर्शन करताना सांगितले की, “समाजातील शेवटच्या व्यक्तीलाही न्याय मिळावा या दृष्टीने देशात विविध स्तरांवर सरकारने मोफत न्याय मिळवण्याच्या सुविधा उपलब्ध करून दिल्या आहेत. या सुविधा आमच्या विधी सेवा समित्यांच्या माध्यमातून कार्यान्वित केल्या जात आहेत. नागरिकांमध्ये याबाबत जागरूकता निर्माण करण्याच्या उद्देशाने ‘कायदा सेवा दिन’ साजरा करण्यात येत आहे,” असे त्यांनी स्पष्ट केले.

राज्यस्तरीय न्यायालय पुरस्कार प्राप्त न्यायदेवतेचे चित्र रेखाटणारे कलाशिक्षक एस. जी. बिजापूरे यांचा यावेळी सत्कार करून अभिनंदन करण्यात आले.

न्यायाधीश आदित्या कलाल यांनी यावेळी सांगितले की, “संविधानानुसार मिळणारा न्याय प्राप्त करण्यासाठी वकिलांची लढण्याची वृत्ती महत्त्वपूर्ण भूमिका बजावते आणि त्याचबरोबर माध्यमांचे सहकार्य आवश्यक आहे,” असे मत त्यांनी व्यक्त केले.

वकील संघाचे अध्यक्ष के. बी. कुरबेट यांनी मार्गदर्शन करताना सांगितले की, “आपण पर्यावरणातून हवा, पाणी आणि प्रकाश घेतो, त्याचप्रमाणे गरीब लोकांनाही मोफत न्याय मिळावा या उद्देशाने विधी सेवा समित्यांची स्थापना करण्यात आली आहे. सर्वांनी या सुविधेचा लाभ घ्यावा,” असे आवाहन त्यांनी केले.

यावेळी वकील रामचंद्र जोशी, एस. सी. तेली, लावण्य संसुद्दी, बसवराज हुंडेकार, एस. ए. येगनवर, सी. डी. पी. ओ. एच. होळेप्पा यांसह अन्य मान्यवर उपस्थित होते.