बेळगाव येथील ह्युमॅनिटी फाउंडेशनच्या सहकार्याने जिल्ह्यातील तृतीयपंथीयांनी दिपावलीनिमित्त श्री महालक्ष्मी पूजनाचा कार्यक्रम आयोजित केला होता. सामाजिक समानतेचा संदेश देत तृतीयपंथीयांनी एकत्र येऊन हा सण मोठ्या उत्साहात साजरा केला.

बेळगाव येथील छत्रपती शिवाजी नगरमधील ह्युमॅनिटी फाउंडेशनच्या कार्यालयात दिपावलीनिमित्त श्री महालक्ष्मी पूजनाचे आयोजन करण्यात आले होते. जिल्ह्याच्या १४ तालुक्यांतील तृतीयपंथीयांनी यात भाग घेऊन विधीवत पूजा केली. त्यांनी गाणी गात आणि नृत्य करत श्री महालक्ष्मीची आरती उत्साहाने पार पाडली.

इतर कुटुंबांप्रमाणेच तृतीयपंथी आणि लिंग परिवर्तन केलेल्या व्यक्तींनी एकत्र येऊन लक्ष्मीपूजन केले आणि दिपावलीचा सण साजरा केला. “या दिपावली उत्सवात श्री महालक्ष्मी मातेने सर्वांना सुख, समृद्धी आणि शांती प्रदान करावी,” अशी इच्छा त्यांनी व्यक्त केली.

ह्युमॅनिटी फाउंडेशन दरवर्षी मोठ्या प्रमाणावर सण-उत्सव तृतीयपंथीयांसोबत साजरे करते. जिल्ह्यातील १४ तालुक्यांतील तृतीयपंथी दिपावलीच्या श्री महालक्ष्मी पूजनात सहभागी होतात. पूजेसाठी लागणारे सर्व साहित्य ते स्वतः घेऊन येतात. गेल्या १० वर्षांपासून हे श्री महालक्ष्मी पूजन केले जात आहे, असे आयोजकांनी सांगितले.

यावेळी जिल्ह्यातील विविध तालुक्यांमधील तृतीयपंथी मोठ्या संख्येने उपस्थित होते.