भारतीय रेड क्रॉस सोसायटी, बेळगाव जिल्हा शाखेच्या कार्यकारी समितीची निवडणूक याच महिन्याच्या ३० ऑक्टोबर रोजी होणार आहे, अशी माहिती अनिल चौगुले यांनी दिली.

आज बेळगाव येथे आयोजित केलेल्या पत्रकार परिषदेत ते बोलत होते.

३० ऑक्टोबर २०२५ रोजी बेळगाव येथील बीम्स सभागृहात सकाळी ८ ते सायंकाळी ४ वाजेपर्यंत भारतीय रेड क्रॉस सोसायटी, बेळगाव जिल्हा शाखेच्या पुढील कार्यकारी समितीसाठी निवडणूक होणार आहे.

“आम्ही ‘मानव सेवा’ या ध्येयानुसार मानवता, सेवा आणि एकतेच्या माध्यमातून उपयुक्त बदल घडवण्यासाठी कटिबद्ध आहोत,” असे चौगुले यांनी स्पष्ट केले.

यावेळी त्यांनी सांगितले की, “नवीन समिती जिल्ह्याच्या सर्व तालुका आणि गावांमध्ये मानवनिर्मित तसेच नैसर्गिक आपत्तींवर त्वरित आणि सुनियोजित प्रतिसाद देण्याला प्राधान्य देईल. तसेच, नवीन समिती आपल्या कार्यकाळात २५ ‘रेड क्रॉस ऑप्टिकल कुटुंब कल्याण केंद्रे’ स्थापन करण्यास वचनबद्ध आहे. प्रत्येक सभेचा अहवाल आयआरसीएस माध्यमां’द्वारे सर्व सदस्यांना पारदर्शकपणे वितरित केला जाईल.”

यावेळी रेड क्रॉसचे सदस्य उपस्थित होते.