बेळगाव जिल्ह्यातील बैलहोंगल तालुक्यातील चिकबागेवाडी गावात सरकारी जागेवर कृषी पतसंस्थेची इमारत बांधण्याच्या विरोधात ग्रामस्थ आणि शेतकऱ्यांनी तीव्र आंदोलन केले आहे.

पीडीओ (पंचायत विकास अधिकारी) आणि तालुका पंचायत अधिकाऱ्यांनी संगनमत करून, कुणालाही न कळवता, २ गुंठे सरकारी जमीन कृषी पतसंस्थेला बेकायदेशीररित्या हस्तांतरित केली आहे. या विरोधात ग्रामस्थ सध्या निदर्शने करत आहेत.

याबाबत ग्रामस्थांनी आपली नाराजी व्यक्त करताना सांगितले की, ही जागा ग्रामपंचायतीच्या मालकीची असूनही, ती पंचायत सदस्यांच्या लक्षात न आणता कृषी पतसंस्थेला देण्यात आली आहे. यावर आता बांधकाम सुरू आहे. भ्रष्ट पीडीओने पंचायत सदस्यांचा अपमान केला असून, या प्रकरणी गेल्या आठ महिन्यांपासून वरिष्ठ अधिकार्यांकडे तक्रार करूनही कोणतीही कारवाई झालेली नाही.

ग्रामपंचायतच्या एका सदस्याने सांगितले की, ग्रामपंचायतच्या बैठकीत यासंदर्भात कोणतीही माहिती न देता ई-मालमत्ता कागदपत्रे तयार करून कृषी पतसंस्थेच्या बांधकामाला सुरुवात करण्यात आली आहे. पीडीओ याविषयी कोणतेही दस्तऐवज सदस्यांना देत नाहीत, तसेच तालुका आणि जिल्हा पंचायत अधिकाऱ्यांनीही कोणतीही कारवाई केलेली नाही, अशी तक्रार त्यांनी केली.

एका महिलेनेही या जागेवर भोजनगृह बांधण्याचा निर्णय घेतला होता, पण आता पीडीओने ती जागा कृषी पतसंस्थेला दिल्याबद्दल तीव्र निषेध व्यक्त केला.