बेळगाव जिल्ह्यातील बैलहोंगल तालुक्यातील तिगडी गावात नवीन महालक्ष्मी मंदिराच्या उभारणीसाठी धार्मिक वातावरणात भूमिपूजन करण्यात आले.

श्री शिवानंद विरक्तमठ आणि श्री बसवन्नय्या हिरेमठ यांच्या सानिध्यामध्ये हा धार्मिक विधी पार पडला. या वेळी कित्तूरचे आमदार बाबासाहेब पाटील, विधान परिषद सदस्य चन्नराज हट्टीहोळी आणि केपीसीसी सदस्या रोहिणी बाबासाहेब पाटील यांची प्रमुख उपस्थिती होती. कार्यक्रमापूर्वी मान्यवरांनी ग्रामदैवत आणि मारुती मंदिरात दर्शन घेऊन पूजा केली.

तिगडी गावाशी असलेले कौटुंबिक नाते अधोरेखित करत मंदिर उभारणीसाठी सर्वतोपरी सहकार्य करण्याचे आश्वासन विधान परिषद सदस्य चन्नराज हट्टीहोळी यांनी दिले. प्रत्येकाच्या सहभागातून भव्य मंदिराची उभारणी होईल असे आमदार बाबासाहेब पाटील यांनी म्हटले. महिलांनी गृहलक्ष्मी योजनेच्या माध्यमातून मंदिराला हातभार लावावा असे आवाहन रोहिणी बाबासाहेब पाटील यांनी केले.