बेळगावमध्ये कोणत्याही व्यक्तीला जाती, धर्म किंवा भाषेच्या आधारावर प्रक्षोभक शब्द वापरून सोशल मीडियावर पोस्ट टाकण्याची परवानगी नाही. बेळगाव पोलिसांचे 15 जणांचे पथक यासाठी 24 तास सतत देखरेख ठेवणार आहे, अशी माहिती शहर पोलीस आयुक्त भूषण बोरासे यांनी दिली आहे. पोलीस आयुक्त भूषण बोरासे यांनी व्हिडिओ संदेश जारी केला आहे. गणेशोत्सव आणि ईद मिलाद शांततेत पार पडले. परंतु काही लोक वैयक्तिक विषयांवरही सोशल मीडियावर अपशब्द वापरून पोस्ट करत आहेत. संविधानाने दिलेल्या भाषण स्वातंत्र्याचा वापर प्रक्षोभक गोष्टींसाठी करू नये. आजपासून 15 पोलिसांच्या पथकाला सायबर स्पेस मॉनिटरिंगसाठी तैनात करण्यात आले आहे. कोणीही सोशल मीडियावर जाती, धर्म किंवा भाषेच्या संदर्भात प्रक्षोभक भाषा वापरून कायदा आणि सुव्यवस्थेला बाधा पोहोचवण्याचा प्रयत्न केल्यास, त्याच पोस्टमध्ये पोलीस नोटीस दिली जाईल. संबंधित व्यक्तीला पोलिस ठाण्यात बोलावून चौकशी करून फौजदारी गुन्हा दाखल केला जाईल, असे ते म्हणाले. सोशल मीडियावर संयमाने भाषा वापरण्याचे आवाहनही त्यांनी केले.