कर्नाटक राज्याच्या मागासवर्ग आयोगाकडून सुरू असलेल्या सामाजिक आणि शैक्षणिक गणनेसाठी जनतेने सहकार्य करावे, असे आवाहन महिला आणि बालकल्याण मंत्री लक्ष्मी हेब्बाळकर यांनी केले आहे.

कर्मचाऱ्यांनी घरांवर स्टिकर लावल्यानंतर शिक्षक येऊन सर्वेक्षण करतील, तेव्हा त्यांना योग्य माहिती देऊन हे सर्वेक्षण यशस्वी करावे, असे त्या म्हणाल्या.

राज्यातील प्रत्येक घराला कर्मचारी भेट देऊन स्टिकर लावणार आहेत, त्यानंतर शिक्षक सर्वेक्षण करतील. या सर्वेक्षणात योग्य आणि अचूक माहिती देणे गरजेचे आहे, असे आवाहन त्यांनी केले.

या संदर्भात, हेस्कॉम अधिकाऱ्यांनी बुधवारी मंत्री लक्ष्मी हेब्बाळकर यांच्या बेळगाव येथील निवासस्थानी भेट घेऊन, सर्वेक्षणाचा भाग म्हणून घरांवर लावण्यात येणाऱ्या स्टिकरबद्दल माहिती दिली. यावेळी हेस्कॉमचे सहाय्यक कार्यकारी अभियंता अश्विन शिंदे, शीतल सनदी, शंकर कदम, सेक्शन ऑफिसर हंदिगुंद, कामत, छाया, संदीप, मारुती आदी उपस्थित होते.