बेळगावच्या के.एल.ई संस्थेच्या बी.व्ही. बेल्लद विधी महाविद्यालयात राष्ट्रीय क्रीडा दिन मोठ्या उत्साहात साजरा करण्यात आला.

महाविद्यालयाच्या प्राचार्या डॉ. ज्योती हिरेमठ यांनी कार्यक्रमाचे उद्घाटन करून विद्यार्थ्यांना खेळांचे महत्त्व समजावून सांगितले. “कायद्याच्या विद्यार्थ्यांनी केवळ कायद्याच्या अभ्यासापुरते मर्यादित न राहता, क्रीडा उपक्रमांमध्येही सक्रिय सहभाग घ्यावा. यामुळे शारीरिक आणि मानसिक आरोग्य सुधारण्यास मदत होते,” असे त्यांनी सांगितले. या दिनाचे औचित्य साधत, आतापासून प्रत्येक शनिवारी एक तास शारीरिक व्यायाम करणे बंधनकारक असेल, असा एक नवीन उपक्रम सुरू करण्यात आला. या उपक्रमामुळे विद्यार्थी आणि शिक्षक शारीरिकदृष्ट्या निरोगी राहण्यास मदत होईल, असेही त्या म्हणाल्या.

या कार्यक्रमात महाविद्यालयाच्या शारीरिक शिक्षण संचालक डॉ. रिचा राव, सर्व शिक्षक आणि मोठ्या संख्येने विद्यार्थी उत्साहाने सहभागी झाले होते.