शहर पोलिसांनी केलेल्या एका विशेष कारवाईत, मादक पदार्थांचे सेवन केल्याच्या संशयावरून एकूण ८ जणांना अटक करण्यात आली आहे. या सर्व आरोपींना वैद्यकीय तपासणीसाठी पाठवण्यात आले असून, त्यांच्या विरोधात एनडीपीएस कायद्यांतर्गत गुन्हा दाखल करण्यात आला आहे.

एपीएमसी पोलीस ठाण्याच्या हद्दीत मादक पदार्थांचे सेवन करून संशयास्पद वर्तन करणाऱ्या ७ आरोपींना अटक करण्यात आली. २३ ऑगस्ट रोजी झालेल्या या कारवाईत अटक करण्यात आलेल्या आरोपींमध्ये राहुल ज्योतिबा जाधव (वय ३३) (रा. शाहुनगर, बेळगाव), अमजद जंगलिसााब सनदी (वय २८) (रा. गणपत गल्ली, कादरवाडी, बेळगाव), तौफिक शब्बीर गोरीखान (वय ३८) (रा. वीरभद्र नगर, ७ वी क्रॉस), सद्दाम हुसेन बेपारी (वय २८) (रा. कसाई गल्ली, कॅम्प), बिन्यामिन फिरोजखान पठाण (वय २८) (रा. ३री क्रॉस, वीरभद्र नगर, बेळगाव), इनायत शब्बीर धारवाडकर (वय ३३) (रा. पाईपलाईन रोड, बेळगाव) आणि दस्तगीर नासिरअहमद तारवाळे (वय ३३) (रा. कसाई गल्ली, बेळगाव) यांचा समावेश आहे.

माळमारुती पोलीस ठाण्याने केलेल्या कारवाईत अख्तर युसुफ शेख (वय ४२) (रा. रुक्मिणी नगर, बेळगाव) याला अटक करून त्याच्याविरुद्ध गुन्हा दाखल केला आहे.

या सर्व ८ प्रकरणांमध्ये एकूण ८ आरोपींना ताब्यात घेऊन त्यांच्यावर कायदेशीर कारवाई करण्यात आली आहे. या यशस्वी कारवाईबद्दल पोलीस आयुक्त आणि डीसीपी यांनी पोलीस अधिकारी व कर्मचाऱ्यांचे कौतुक केले आहे.