बेळगावात अखिल कर्नाटक माजी सैनिक संघाच्या वतीने येत्या २६ जुलै रोजी ‘कारगिल विजयोत्सव’ आणि ‘ऑपरेशन सिंधूर’ साजरा करण्यात येणार आहे. यानिमित्त शहरात भव्य बाईक रॅलीचे आयोजन करण्यात आले असल्याची माहिती संघटनेचे जिल्हाध्यक्ष बसप्पा तळवार यांनी दिली.

२६ जुलै रोजी कारगिल विजयोत्सव आणि ‘ऑपरेशन सिंधूर’च्या समारंभाच्या पार्श्वभूमीवर भव्य रॅलीचे आयोजन करण्यात आले आहे, असे अखिल कर्नाटक माजी सैनिक संघाचे जिल्हाध्यक्ष बसप्पा तळवार यांनी सांगितले.

सोमवारी बेळगावात आयोजित पत्रकार परिषदेत ते बोलत होते. २६ जुलै रोजी नेहरूनगर येथील केपीटीसीएल हॉलपासून गांधीनगरपर्यंत बाईक रॅली काढण्यात येणार आहे. त्यानंतर, माजी सैनिकांच्या पाल्यांपैकी ज्या विद्यार्थ्यांनी एसएसएलसी परीक्षेत चांगले गुण मिळवले आहेत, त्यांचा सत्कार केला जाईल. तसेच, निवृत्तीनंतर समाजसेवेत उत्कृष्ट कार्य केलेल्या माजी सैनिकांना ‘जनरल करिअप्पा पुरस्कार’ देऊन सन्मानित केले जाईल, असेही त्यांनी नमूद केले.

यावेळी ईरण्णा चिंचणी, बसवराज शिंत्रे, सुरेश सनदी, बसप्पा कसल्ली यांच्यासह अन्य मान्यवर उपस्थित होते.