बसव कायकजीवी संघ आणि राष्ट्रीय बसव दलातर्फे दरवर्षीप्रमाणे वचनपितामह लिंगैक्य डॉ. फ. गु. हलकट्टी आणि लिंगानंद जगद्गुरुंच्या स्मरणार्थ रक्तदान शिबिराचे आयोजन करण्यात आले.

बेळगावमधील राष्ट्रीय बसव दलाचे अध्यक्ष अशोक बेंडिगेरी, उपाध्यक्ष एस.एस. पाटील आणि बसव कायकजीवी संघाचे अध्यक्ष सूर्यकांत भावी यांच्या नेतृत्वाखाली हे रक्तदान शिबिर घेण्यात आले. यावेळी अनेक लोकांनी स्वेच्छेने रक्तदान केले.

याबाबत माहिती देताना आनंद गुडस म्हणाले की, “आणीबाणीच्या परिस्थितीत रुग्णांना मदत व्हावी आणि लोकांमध्ये रक्तदानविषयी जागरूकता निर्माण व्हावी या उद्देशाने दरवर्षी रक्तदान शिबिर आयोजित केले जाते.” सुमारे १०० बाटल्या रक्त गोळा करून ते के.एल.ई. रुग्णालयाच्या रक्तपेढीला पाठवण्यात येणार आहे. हा उपक्रम सलग पाच वर्षांपासून सुरू आहे. याशिवाय, ५७ जणांनी देहदानाचाही संकल्प केला आहे. नेत्रदान शिबिर आणि इतर अनेक सामाजिक उपक्रमही संस्था राबवत आहे, असे ते म्हणाले.

बसव कायकजीवी संघ आणि राष्ट्रीय बसव दल कोणत्याही जात, धर्म किंवा पंथाचा भेदभाव न करता अनेक सामाजिक आणि धार्मिक कार्य करत आहे. त्यांनी समाजाला अत्याधुनिक शववाहिका देखील दिली आहे, अशी माहिती शंकर गुडस यांनी दिली.

यावेळी मुरुगेंद्र गौडा पाटील, के. शरण प्रसाद मल्लिकार्जुन आडीन, महांतेश गुडस, वीरेश उलवी, नितीन गुडस, शिवलिंग दिवटगी, बसवराज गुडस, सिद्धार्थ गुडस, रमेश भराजी, सचिन गुडस, संतोष गुडस, कुमार गोदियाळ, बसवराज हंपन्नावर यांच्यासह इतर मान्यवर उपस्थित होते.