गुरुकृपा आणि योग्य मार्गदर्शन लाभल्यास सामान्य माणूसही असाधारण कर्तृत्व गाजवू शकतो, असे प्रतिपादन कारंजी मठाचे गुरुसिद्ध महास्वामी यांनी केले.

शिवबसव नगर येथील कारंजी मठात आयोजित मासिक शिवअनुभव आणि हानागल कुमार शिवयोगी यांच्या १५९ व्या जयंती महोत्सवात ते बोलत होते.

हुक्केरी विरक्त मठाचे शिवबसव महास्वामी यांनी हानागल कुमार शिवयोगी यांच्या धार्मिक, सामाजिक आणि शैक्षणिक क्षेत्रातील अतुलनीय योगदानाचा गौरव केला.

या प्रसंगी कर्नाटक प्रेस क्लबचा २०२६ चा ‘शिक्षण सेवा रत्न’ पुरस्कार मिळाल्याबद्दल यरगट्टी सरकारी पदवीपूर्व महाविद्यालयाचे प्राचार्य किरण चौगला यांचा विशेष सत्कार करण्यात आला.