बसवपंचमीचे औचित्य साधून बेळगाव येथील नागनूर श्री शिवबसवेश्वर ट्रस्टच्या चिन्नम्मा बी. हिरेमठ वृद्धाश्रमात मानव बंधुत्व वेदिका संघटनेच्या वतीने एका विशेष कार्यक्रमाचे आयोजन करण्यात आले होते.

वाल्मीकी समाजाचे युवा नेते परशुराम पूजेरी यांच्या नेतृत्वाखाली हा उपक्रम पार पडला.

याप्रसंगी वृद्धाश्रमातील वृद्धांसाठी दूध, फळे आणि भोजनाची व्यवस्था करण्यात आली होती. वृद्धाश्रमाचे समन्वयक एम. एस. चौगुला यांनी बसवण्णांच्या १२ व्या शतकातील ‘काय कवे कैलास’ आणि ‘दासोह’ या तत्त्वांचे महत्त्व विशद केले. वंचित आणि वृद्धांना मदत करणे हीच बसवेश्वरांची खरी सेवा असल्याचे त्यांनी सांगितले.

तसेच परशुराम पूजेरी यांनी सण-उत्सव हे सामाजिक सेवेसाठी प्रेरणादायी ठरले पाहिजेत अशी भावना व्यक्त केली. ज्येष्ठ नागरिक हे आपल्या समाजाची संपत्ती असून त्यांच्याप्रती आदर आणि काळजी बाळगणे ही सर्वांची सामाजिक जबाबदारी असल्याचे ते म्हणाले.

या कार्यक्रमास राज्य समिती सदस्य तोळी भरमण्णा, मारुती कुदुरी आणि ईरप्पा बंजीराम आदींसह अनेक मान्यवर उपस्थित होते.