बेळगाव येथील अंजनेय नगरमधील शासकीय कन्नड उच्च प्राथमिक शाळेने एक नवीन टप्पा गाठला आहे. शाळेत नव्याने सुरू करण्यात आलेल्या एलकेजी आणि युकेजी वर्गांचा उद्घाटन सोहळा आणि लहान मुलांना शैक्षणिक किट वाटप करण्याचा कार्यक्रम पार पडला.

क्षेत्र शिक्षणाधिकारी रवी भजंत्री यांनी दीपप्रज्वलन करून या नवीन वर्गांचे अधिकृत उद्घाटन केले. याच प्रसंगी नारायण होसमनी,डॉ. मल्लिकार्जुन हिरेमठ, श्रीदेवी सुरेश नरगुंद, भारती अव्वक्कनवर आदींसह विविध दानशूर व्यक्तींच्या वतीने शालेय साहित्याचे वाटप करण्यात आले.

या कार्यक्रमाला प्रमुख अतिथी म्हणून रोटरी क्लब सनराईज बेळगावचे अध्यक्ष आनंद बनगार, सचिव सुजीत एस., प्रख्यात डॉक्टर विजय पुजारी, शिवानंद मळसळी, सुनील मुगी आदी मान्यवर उपस्थित होते. सुनिता पुजेर यांनी सूत्रसंचालन केले, मुख्याध्यापक शिवानंद रोडबसण्णवर यांनी सहकार्य केले आणि अव्वक्कनवर यांनी उपस्थितांचे आभार मानले.