विजापूर येथे पत्नीची हत्या करून तब्बल दहा वर्षे कायद्याच्या नजरेतून फरार असलेल्या आरोपीला न्यायालयाने जन्मठेपेची शिक्षा सुनावली आहे. जलनगर पोलीस ठाण्याच्या पोलिसांनी केलेल्या तपासाला या निकालामुळे मोठे यश आले आहे.

२०१६ मध्ये पत्नीची हत्या करून पुरावे नष्ट केल्याच्या प्रकरणात जामीन मिळवून फरार झालेल्या आरोपीला विजापूर न्यायालयाने जन्मठेपेची शिक्षा आणि एक लाख रुपयांचा दंड ठोठावला आहे. विजापूर शहरातील जलनगर पोलीस ठाण्यात दाखल असलेल्या गुन्ह्यानुसार, शिवशक्ती नगर येथील रहिवासी रफीक दस्तगीरसाब बळगानूर याच्यावर पत्नीची हत्या आणि साक्ष नष्ट केल्याचा आरोप होता. जामीन मिळाल्यानंतर फरार झालेल्या या आरोपीला पोलिसांनी जानेवारी २०२६ मध्ये पुन्हा अटक करून न्यायालयासमोर हजर केले होते. या प्रकरणाची सखोल सुनावणी घेऊन विजापूरच्या प्रधान जिल्हा आणि सत्र न्यायालयाने आरोपीला दोषी ठरवत जन्मठेपेची शिक्षा सुनावली.

विजयकुमार सारवाड, इन न्यूज, विजापूर