बागलकोट जिल्ह्याचे नूतन पालकमंत्री म्हणून पदभार स्वीकारल्यानंतर एम. बी. पाटील यांनी आज प्रथमच जिल्ह्याला भेट दिली. त्यांनी जिल्हाधिकारी कार्यालयाच्या सभागृहात वरिष्ठ अधिकारी आणि आमदारांसोबत तातडीची बैठक घेऊन मान्सूनपूर्व तयारीचा आढावा घेतला.

नूतन पालकमंत्री एम. बी. पाटील यांनी आपल्या पहिल्याच दौऱ्यात जिल्हा आपत्ती व्यवस्थापन प्राधिकरणाच्या मुख्य बैठकीत भाग घेतला. मान्सूनच्या काळातील पूर्वतयारी आणि जिल्ह्यात उद्भवणाऱ्या संभाव्य आणीबाणीच्या परिस्थितीचे व्यवस्थापन यावर त्यांनी अधिकाऱ्यांशी सविस्तर चर्चा केली. नैसर्गिक आपत्तीचा सामना करण्यासाठी जिल्हा प्रशासनाने पूर्णपणे सज्ज राहावे, अशा कडक सूचना मंत्र्यांनी दिल्या.

या उच्चस्तरीय बैठकीत जिल्ह्यातील सद्यस्थिती, पिण्याच्या पाण्याची समस्या आणि जनावरांसाठी चारा छावण्यास्थापन करण्याबाबत त्यांनी सविस्तर माहिती घेतली. दुष्काळ व्यवस्थापनासाठी घ्यावयाच्या खबरदारीच्या उपायांवर चर्चा करण्यात आली .

या बैठकीला जिल्ह्यातील आमदार आणि विविध विभागांचे जिल्हास्तरीय वरिष्ठ अधिकारी उपस्थित होते.