बेळगाव येथील माहेश्वरी अंध मुलांच्या विद्यालयात १४६ वी हेलन केलर जयंती आणि गुणवंत विद्यार्थ्यांचा सत्कार समारंभ पार पडला.

यावेळी मुख्य अतिथी म्हणून उपस्थित असलेल्या डॉ. सावित्री दोड्डण्णावर यांनी विद्यार्थ्यांना मार्गदर्शन केले. हेलन केलर यांनी अंध आणि बधिरत्वावर मात करून जगभरात मिळवलेले यश आजच्या विद्यार्थ्यांसाठी मार्गदर्शक असल्याचे त्यांनी सांगितले.

या कार्यक्रमात शाळेतील यशस्वी विद्यार्थ्यांचा सत्कार करण्यात आला, तसेच नवीन प्रवेश घेतलेल्या विद्यार्थ्यांचे स्वागत झाले. विद्यार्थी विवेक सोंटक्की याने हेलन केलर यांच्या जीवनावर भाषण केले. या समारंभाच्या अध्यक्षस्थानी बीडीएबीचे अध्यक्ष चिंतामणी ग्रामोपाध्ये होते. कांतेश आचार्य यांनी स्वागत केले, कीर्ती राजपूत यांनी पाहुण्यांची ओळख करून दिली तर प्राचार्या अनिता गावडे यांनी आभार मानले. संगीत शिक्षिका स्मिता मिटगार व के. मल्लप्पा यांनी सूत्रसंचालन केले.