बेळगाव जवळील हंदिगनूर गावात २० लाख रुपये खर्चाच्या वाल्मिकी समुदाय भवन बांधकामाचे आज उत्साहात भूमिपूजन करण्यात आले.

कडोली जिल्हा पंचायत व्याप्तीमधील हंदिगनूर गावात युवा नेते राहुल जारकीहोळी यांच्या प्रेरणेने या भवनाची मंजुरी मिळाली आहे. मंत्र्यांचे आप्त सहाय्यक आणि केपीसीसी सदस्य मलगौडा पाटील यांच्या हस्ते विधीवत भूमिपूजन करून कामाला गती देण्यात आली.
सार्वजनिक बांधकाम मंत्री सतीश जारकीहोळी आणि खासदार प्रियांका जारकीहोळी यांच्या मार्गदर्शनाखाली या विकासकामाचा प्रारंभ झाला आहे.

या प्रसंगी हंदिगनूर ग्रामपंचायतीचे अध्यक्ष, उपाध्यक्ष, सर्व सदस्य, गावातील प्रमुख नागरिक आणि ग्रामस्थ मोठ्या संख्येने उपस्थित होते.