जागतिक योग दिनानिमित्त बेळगाव जिल्हा रोलर स्केटिंग असोसिएशनच्या वतीने शहरात अनोख्या पद्धतीने योग दिन साजरा करण्यात आला.

योग साधना केल्याने माणूस शारीरिकदृष्ट्या सुदृढ आणि निरोगी राहू शकतो. भारताने जगाला दिलेल्या या देणगीचा उत्सव साजरा करण्यासाठी बेळगावच्या गोवावेस स्केटिंग रिंक येथे एका विशेष कार्यक्रमाचे आयोजन करण्यात आले होते. या वेळी स्केटर्सनी ४ किलोमीटर स्केटिंग रॅली काढून निरोगी आयुष्याचा संदेश देत जनजागृती रॅलीच्या माध्यमातून सर्वांचे लक्ष वेधून घेतले.

या कार्यक्रमाला मुख्य अतिथी म्हणून बेळगाव महानगरपालिकेचे सदस्य नितीन जाधव उपस्थित होते. प्रत्येकाने आपल्या आरोग्याच्या रक्षणासाठी योगाला जीवनाचा मुख्य भाग बनवले पाहिजे, असे आवाहन नितीन जाधव यांनी केले.

स्केटिंग प्रशिक्षक सूर्यकांत हिंडलगेकर यांच्या नेतृत्वाखाली झालेल्या या रॅलीत प्रणव गिधमली, समृद्ध बानी, आरवनंद, राजवीर पाटील, प्राणिका मोटेकर, रीवा नायक यांसह अनेक स्केटर्स आणि त्यांचे पालक मोठ्या संख्येने उपस्थित होते.