बेळगाव येथील सदाशिवनगरमध्ये सर्वलोक सेवा फाउंडेशनच्या वतीने महाराणा प्रताप सिंह यांच्या जयंतीनिमित्त पर्यावरण स्वच्छता आणि देवदेवतांच्या जुन्या चित्रांचे संकलन करून अभिनव पद्धतीने जयंती साजरी करण्यात आली.

सदाशिवनगर येथील मरगाई देवी मंदिरात सर्वलोक सेवा फाउंडेशनचे अध्यक्ष वीरेश हिरेमठ यांच्या नेतृत्वाखाली जुन्या चित्रांचे संकलन आणि स्वच्छता मोहीम राबवण्यात आली. केवळ पूजेपेक्षा समाजसेवा हीच खरी जयंती, अशी भावना हिरेमठ यांनी व्यक्त केली.

या कार्यात इनोव्हेटिव्ह प्रिंटिंग प्रेस आणि नागरिकांनी सहकार्य केले. महाराणा प्रताप यांच्या आदर्शानुसार समाजसेवा करण्याचे आवाहन यावेळी करण्यात आले. कार्यक्रमाला स्थानिक मान्यवर आणि रेवणसिद्धेश्वर मठाचे गुरू उपस्थित होते.