मुधोळ तालुक्यातील मल्लापूर टी.एल. तवटा येथील ४० हून अधिक कुटुंबे गेल्या तीन वर्षांपासून अंधारात आहेत. गावकऱ्यांनी स्वतः तीन लाख रुपये गोळा करून हेस्कॉम अधिकाऱ्यांना देऊनही अद्याप वीज जोडणी मिळालेली नाही. वारंवार विनंती करूनही अधिकाऱ्यांनी जाणीवपूर्वक टाळाटाळ केल्याने संतप्त गावकऱ्यांनी लोकपूर हेस्कॉम कार्यालयासमोर तीव्र आंदोलन केले.

या वेळी बोलताना ग्रामस्थांनी सांगितले की, अधिकाऱ्यांनी सांगितल्याप्रमाणे पैसे भरूनही वीज मिळालेली नाही. विद्यार्थी आणि वृद्धांचे अतोनात हाल होत आहेत. मल्लापूर येथील संबंधित लाईनमनला त्वरित निलंबित करावे आणि वीज समस्या तातडीने मार्गी लावावी, अन्यथा तीव्र आंदोलन छेडण्याचा इशारा गावकऱ्यांनी दिला आहे.