मंत्रिमंडळ विस्ताराच्या हालचाली सुरू असतानाच, विजापूरमधील इंडी मतदारसंघाचे काँग्रेस आमदार यशवंतरायगौडा पाटील यांनी सोशल मीडियावर एक जुना फोटो शेअर करून थेट हायकमांडला आव्हान दिले असून आमदारांनी हे आक्रमक पाऊल उचलल्याने राजकीय वर्तुळात खळबळ उडाली आहे.

या पोस्टमध्ये आमदार पाटील यांनी निवडणूकपूर्व बैठकीचा संदर्भ देत मंत्रीपदाच्या आश्वासनाची आठवण करून दिली आहे. राज्यात काँग्रेसचे सरकार येऊन तीन वर्षे झाली, तरी अद्याप आपल्याला संधी मिळाली नसल्याबद्दल त्यांनी तीव्र नाराजी व्यक्त केली आहे. त्यांनी शेअर केलेल्या फोटोमध्ये पक्षाचे राज्य प्रभारी रणदीपसिंग सुरजेवाला, सिद्धरामय्या आणि मुख्यमंत्री डी. के. शिवकुमार दिसत आहेत. याच नेत्यांच्या उपस्थितीत आपल्याला मंत्रीपदाचा शब्द मिळाला होता, असा दावा त्यांनी केला आहे.

काही दिवसांपूर्वीच एका पत्रकार परिषदेत त्यांनी मंत्रिमंडळ विस्ताराच्या दुसऱ्या टप्प्यात जागा न मिळाल्यास आक्रमक पवित्रा घेण्याचा इशारा दिला होता. इंडी मतदारसंघाला न्याय मिळण्यासाठी वरिष्ठ नेत्यांनी दिलेला शब्द पाळावा, अशी मागणी त्यांनी केली आहे. मंत्रिमंडळ विस्ताराच्या हालचाली सुरू असतानाच आमदारांनी ही जुनी आठवण समोर आणल्याने काँग्रेस अंतर्गत वाद उफाळण्याची शक्यता आहे. या सोशल मीडिया पोस्टमुळे आगामी काळातील घडामोडींना वेग येण्याची चिन्हे आहेत.