बेळगाव ग्रामीण मतदारसंघातील नागरिकांच्या समस्या जाणून घेण्यासाठी माजी मंत्री लक्ष्मी हेब्बाळकर यांनी आज ‘जनता दरबार’च्या धर्तीवर ओम नगर भागाला भेट दिली. यावेळी त्यांनी स्थानिक नागरिकांच्या अडीअडचणींचे निवारण करण्यासाठी पुढाकार घेतला.
-*-
ओम नगर येथील स्थानिक रहिवाशांशी चर्चा करून हेब्बाळकर यांनी तिथल्या नागरी समस्यांची पाहणी केली. प्रामुख्याने रस्ते, पिण्याचे पाणी आणि सांडपाणी व्यवस्था यांसारख्या पायाभूत सुविधांच्या अभावाबाबत नागरिकांनी त्यांच्याकडे तक्रारी केल्या. या समस्यांचे गांभीर्य ओळखून, त्या तातडीने मार्गी लावण्याचे आश्वासन त्यांनी दिले.
-*-
नागरिकांच्या समस्या शांतपणे ऐकून घेतल्यावर, प्रलंबित कामे त्वरित पूर्ण करावीत अशा सक्त सूचना हेब्बाळकर यांनी संबंधित विभागाच्या अधिकाऱ्यांना दिल्या. मतदारसंघातील प्रत्येक नागरिकाला दर्जेदार सोयीसुविधा उपलब्ध करून देणे ही आपली प्राथमिकता असल्याचे त्यांनी यावेळी स्पष्ट केले.