पंतप्रधान नरेंद्र मोदी यांच्या प्रदीर्घ सेवाकाळाचे औचित्य साधत, बेळगावमधील प्रसिद्ध कपीलेश्वर मंदिरात आमदार अभय पाटील यांच्या पुढाकाराने भव्य महाआरती आणि १२ हजार दिव्यांचा दीपोत्सव उत्साहात साजरा करण्यात आला.

पंतप्रधान नरेंद्र मोदी यांनी देशाचे सेवक म्हणून बजावलेली प्रदीर्घ सेवा आणि देशाला सुरक्षित व प्रगत ठेवण्यासाठी केलेले प्रयत्न याबद्दल कृतज्ञता व्यक्त करण्यासाठी या दीपोत्सवाचे आयोजन करण्यात आले होते. संपूर्ण मंदिर परिसरात भाविकांनी १२ हजार पणत्या प्रज्वलित करून भक्तीमय वातावरणात या सोहळ्याचे दर्शन घेतले.

कार्यक्रमाचे नेतृत्व करताना आमदार अभय पाटील यांनी कपीलेश्वर स्वामींची विशेष महाआरती केली. पंतप्रधानांना देशसेवेसाठी उत्तम आरोग्य आणि दीर्घायुष्य लाभो, अशी प्रार्थना अभय पाटील यांनी यावेळी केली.

या दीपोत्सवाच्या निमित्ताने विविध लोकप्रतिनिधी, महानगरपालिकेचे नगरसेवक आणि शेकडो नागरिक मोठ्या संख्येने उपस्थित होते. भाविकांच्या उपस्थितीमुळे संपूर्ण मंदिर परिसर उजळून निघाला होता.