बाँडच्या आधारावर बांधण्यात आलेल्या घरांना तातडीने वीज जोडणी देण्याचे आदेश दिल्याबद्दल बेळगावमधील ‘अंजुमन ए इस्लाम’ संस्थेने मुख्यमंत्री डी. के. शिवकुमार यांचे आभार मानले आहेत.

या संदर्भात संस्थेच्या वतीने आज बेळगावच्या जिल्हाधिकाऱ्यांमार्फत मुख्यमंत्र्यांना अभिनंदन पत्र पाठवण्यात आले. अंजुमन ए इस्लामचे उत्तर कर्नाटक प्रमुख सलीम खतीब यांनी दोन महत्त्वाच्या निर्णयांबद्दल सरकारचे आभार मानले आहेत. यात त्यांनी, पदभार स्वीकारताच नोव्हेंबर-डिसेंबर दरम्यान बाँडच्या आधारावर घरे बांधणाऱ्या नागरिकांना तातडीने वीज जोडणी देण्याचे आदेश दिल्याबद्दल नवीन मुख्यमंत्री डी. के. शिवकुमार यांचे अभिनंदन केले.

हमीद कोप्पद यांनी बाँडवरील घरांना वीज जोडणी, उर्दू भवन, पदवी महाविद्यालय आणि हज भवनचे बांधकाम पूर्ण केल्याबद्दल सरकारचे आभार मानले. तसेच, या घरांना आता वीज जोडणीसोबतच मालकी हक्क (हक्कपत्र) देखील देण्यात यावेत, अशी मागणी त्यांनी केली.

या प्रसंगी अंजुमन ए इस्लाम संस्थेचे इतर प्रमुख पदाधिकारी उपस्थित होते.