सार्वजनिक बांधकाम विभागाचे नवनिर्वाचित मंत्री सतीश जारकीहोळी पहिल्यांदाच बेळगावमध्ये आले असता जिल्हा महिला काँग्रेसतर्फे त्यांचा सत्कार करण्यात आला. जिल्हाध्यक्षा अश्विनी बेळवडी यांच्या उपस्थितीत खानापूर महिला घटकाच्या अध्यक्षा दीपा पाटील यांनी मंत्र्यांचा सन्मान केला.

सार्वजनिक बांधकाम मंत्री सतीश जारकीहोळी बेळगावमध्ये आले असता बेळगाव जिल्हा ग्रामीण महिला काँग्रेसच्या अध्यक्षा अश्विनी बेळवडी यांच्या नेतृत्वाखाली खानापूर ब्लॉक महिला काँग्रेसच्या अध्यक्षा दीपा पाटील यांनी त्यांचा जिव्हाळ्याचा सत्कार केला. या वेळी जिल्हाध्यक्षा अश्विनी बेळवडी यांनी मंत्र्यांच्या मार्गदर्शनाखाली जिल्ह्यातील महिला संघटना अधिक मजबूत करण्याबाबत चर्चा केली.

शासनाच्या लोककल्याणकारी योजना प्रत्येक नागरिकांपर्यंत पोहोचवण्यात महिला घटकाची भूमिका महत्त्वाची असून, या दृष्टीने खानापूरमध्ये सक्रिय काम करण्याच्या सूचना दीपा पाटील यांना देण्यात आल्या. मंत्र्यांच्या कार्यकाळात खानापूरसह संपूर्ण बेळगाव जिल्ह्यामध्ये भरीव विकासकामे होतील, अशी आशा या वेळी व्यक्त करण्यात आली