बेळगावचे नूतन तहसीलदार म्हणून पदभार स्वीकारल्याबद्दल एच. एन. शिरहट्टी यांचा सरकारी कर्मचारी संघटनेचे अध्यक्ष बसवराज तानाजी रायवगोळ, नगरसेवक सिद्रायी मेत्री आणि दलित संघटनेचे नेते कल्लाप्पा रामाचण्णावर यांच्यासह विविध संघटनांच्या पदाधिकाऱ्यांनी सत्कार केला.

सत्काराला उत्तर देताना तहसीलदार एच. एन. शिरहट्टी यांनी बेळगावसारख्या महत्त्वाच्या भागात काम करण्याची संधी मिळणे अभिमानास्पद असल्याचे सांगितले. जनतेच्या समस्यांची दखल घेऊन जबाबदारीने काम करू, तसेच लोकांची कामे प्रामाणिकपणे आणि जलद गतीने पूर्ण करण्यासाठी आपण कटिबद्ध आहोत, अशी ग्वाही एच. एन. शिरहट्टी यांनी दिली.

बेळगाव तालुक्यातील अनेक सार्वजनिक आणि प्रशासकीय कामे प्रलंबित असून तहसीलदारांनी त्यांना प्राधान्य देऊन ती पूर्ण करावीत, अशी मागणी संतोष कांबळे यांनी केली.

या वेळी विविध संघटनांचे नेते, पदाधिकारी, शासकीय कर्मचारी मोठ्या संख्येने उपस्थित होते. सर्वांनी नूतन तहसीलदारांना शुभेच्छा देऊन लोकहितकारी प्रशासन देण्याची अपेक्षा व्यक्त केली.