बागलकोटच्या राजकारणात आता उपमुख्यमंत्रीपदाची चर्चा रंगू लागली आहे. ज्येष्ठ नेते आणि मंत्री आर. बी. तिम्मापूर यांना उपमुख्यमंत्रीपद देण्यात यावे, अशी जोरदार मागणी दलित नेत्यांनी राज्य सरकारकडे केली आहे. आर. बी. तिम्मापूर यांना योग्य स्थान न मिळाल्यास आगामी निवडणुकीत काँग्रेस पक्षाला मोठ्या पडझडीला सामोरे जावे लागेल, असा इशाराही त्यांनी दिला आहे.

बागलकोटमध्ये आयोजित संयुक्त पत्रकार परिषदेत दलित नेत्यांनी मंत्री आर. बी. तिम्मापूर यांना तात्काळ उपमुख्यमंत्रीपद देण्याची मागणी केली. यापूर्वी चार वेळा मंत्री म्हणून उल्लेखनीय कामगिरी करणाऱ्या तिम्मापूर यांनी दलित समाजात कधीही कोणताही भेदभाव न करता सर्वांना सोबत घेऊन काम केले असल्याचे नेत्यांनी सांगितले. गेल्या निवडणुकीत भाजपच्या प्रभावी उमेदवाराचा पराभव करणाऱ्या या ज्येष्ठ नेत्याच्या पक्षातील योगदानाचा विचार करून हायकमंडने त्यांना उपमुख्यमंत्रीपद द्यावे, अशी मागणी यावेळी करण्यात आली. अन्यथा आगामी निवडणुकीत काँग्रेस पक्षाला याचे गंभीर परिणाम भोगावे लागतील, असा थेट इशारा नेत्यांनी दिला आहे.