बेळगावमधील सदाशिवनगर येथील सदाशिव मंदिर येथे गौरी महिला मंडळाच्या वतीने प्रतिभा पुरस्कार सोहळा अत्यंत उत्साहात आणि यशस्वीपणे संपन्न झाला.

या सोहळ्यात बेळगावमधील बी. व्ही. बेल्लद कॉलेजच्या माजी प्राचार्य आणि गुजरात नॅशनल लॉ युनिव्हर्सिटीच्या माजी प्राचार्य डॉ. शोभलता उदपुडी यांनी मुख्य अतिथी म्हणून उपस्थित राहून गुणवंत विद्यार्थ्यांचा सत्कार केला. आजच्या स्पर्धात्मक युगात विद्यार्थ्यांनी केवळ गुणांपुरते मर्यादित न राहता ज्ञानार्जनाला प्राधान्य दिले पाहिजे आणि पालकांनी त्यांच्या मुलांच्या आवडीनुसार त्यांचे भविष्य घडवण्यासाठी योग्य मार्गदर्शन करावे, असे डॉ. शोभलता उदपुडी यांनी म्हटले.

या वेळी गौरी महिला मंडळाच्या उपाध्यक्षा शशिकला जगजंपी, सचिव सुजाता गोकाक यांच्यासह कमिटीचे पदाधिकारी आणि सर्व सन्माननीय सदस्य उपस्थित होते.